ძალიან გემრიელი ვეგანური (სამარხვო) ბანანის და შოკოლადის კექსი

ეს ბანანის და შოკოლადის კექსი ძალიან მარტივად მზადდება. არ შეიცავს კვერცხს, შაქარს, თეთრ რაფინირებულ ფქვილს, რძის პროდუქტებს. მოამზადეთ საუზმისთვის და დატკბით მისი გემოთი.

ინგრედიენტები:

• ცეხვილი ფქვილი ან შვრიის ფქვილი – 2 ჭიქა;
• მცენარეული რძე – 1 ჭიქა;
• ბანანი – 4 ცალი;
• ქოქოსის ზეთი – ½ ჭიქა;
• ცომის გამაფხვიერებელი – 2 ½ ჩაის კოვზი;
• ფინიკის, ნეკერჩხლის ან ტოპინამბურის სიროფი – ½ ჭიქა;
• კაკაო – ½ ჭიქა.
• მწიკვი მარილი

მომზადება:

1. გაახურეთ ღუმელი 180 გრადუსზე.
2. ფორმაში ჩადეთ გამოსაცხობი ქაღალდი.
3. დააბლენდერეთ 3 ბანანი (ან გამოიყენეთ ჩანგალი).
4. შეურიეთ ერთმანეთს მშვალი ინგრედიენტები (კაკაოს გარდა), დაუმატეთ ბანანი და დარჩენილი სველი ინგრედიენტები.
5. ცომის ნახევარი გადაიტანეთ სხვა ჯამში და დაუმატეთ კაკაო.
6. დაასხით ფორმაში თეთრი და კაკაოს ცომი რიგრიგობით.
7. ზემოდან დადეთ დაჭრილი ბანანი.
8. გამოაცხვეთ 50-60 წუთის განმავლობაში.

კექსი გამოდის ძალიან არომატული, ნაზი და უგემრიელესი. გემრიელად მიირთვით!

ავტორი @healthyfrenchwife