სამარხვო ვაშლის ბლინები – უგემრიელესი, ნაზი, არომატული. არ შეიცავს კვერცხს, ძროხის რძეს. მზადდება ვაშლის პიურეზე. დარწმუნებული ვარ, რომ ეს რეცეპტი გახდება თქვენი ფავორიტი. აუცილებლად სცადეთ და მოამზადეთ საუზმისთვის.
რა ინგრედიენტები დაგვჭირდება?
- ცეხვილი ხორბლის ფქვილი – ½ ჭიქა
- შვრია – ½ ჭიქა
- სოდა – ¼ ჩაის კოვზი
- ვაშლის პიურე – 3 სუფრის კოვზი
- ვაშლის ძმარი – 1 ჩაის კოვზი
- ქოქოსის შაქარი – 4-5 სუფრის კოვზი (ან სხვა სასურველი დამატკბობელი)
- მცენარეული რძე – 1 ჭიქა (250 მლ)
- დარიჩინი გემოვნებით.
როგორ მოვამზადოთ ვაშლის ბლინები?
- შვრია ჩავყაროთ ბლენდერში და გავაკეთოთ ფქვილი
- ავურიოთ ფქვილი, სოდა და შაქარი. ცალკე პიურე, ძმარი და რძე
- შევურიოთ ერთმანეთს და გავაკეთოთ ცომი. ბოლოს დავუმატოთ დარიჩინი
- თუ ბლინებისთვის განკუთვნილი ტაფა გაქვთ, მხოლოდ ერთხელ დაასხით მცენარეული ზეთი და მიუდექით ბლინების გამოცხობას.
- მზადაა! ამ ინგრედიენტებისგან გამოდის 12 ბლინი.
მიირთვით ვაშლის ბლინები ჯემით, თაფლით ან იოგურტით. ასევე სცადეთ და მოამზადეთ უგემრიელესი სამარხვო შოკოლადის პუდინგი.